Shayar By Chance

Likhne ki khwaish bahut hai magar, sochne ka waqt nahi Zindagi khayalon se tez bhaag rahi hai, dimaag ko dil ki fursaat nahi.... Sochta hu kab neend khule, aur pata chale...ki yeh sirf khwaab hai....aur haqeeqat nahi.... Aur mei bachpan mei laut jau, bas khel, kud aur masti ho jahaa....kisi aur cheez ki jaroorat nahi....

Uski aankhen kahi dur jami thi Aankhon mei kuch nami thi Pas khade ladke ka chehra sangeen tha Kahi kissi soch mei dubaa hua woh talleen tha Pyaar dono ki dilon mei kayam tha, par shayad zamaana hi zaleem tha Baat kya thi, kya muskil thi, Kyu woh bechara itna pareshan, aur woh bechari itni hairan thi Jaan toh nahi paya mei, Par yeh maan liya... Yeh pyaar nahi asaan, bas itna samjh lijiye, aag ka dariya hai aur tair ke jaana hai....

Tu ek vyakti hai, tu shakti hai, Tujhme hi woh bhakti hai, Tu hi woh ek yukti hai...ek anokhi abhivyakti hai... Tu roop hai, tu rang hai, Khoobsurat ek tarang hai, Tujhme alag sa dhang hai, Zindagi ki tu umang hai... Tu kalpana, tu prerna, Koi akriti, koi geet hai, Kahi khwaab, toh kahi jeet hai, Jeevan ka tu sangeet hai... Tu masi hai, tu bua hai, Har ek ke liye, tu dua hai, Tu nani hai, tu dadi hai, Tu maa hai, mamta hai, Kabhi chutki, toh kahi didi hai, Kabhi sacchi dost, toh kabhi pyaar hai, Tu aadmi ka pura sansaar hai, Hamare jeevan ka aadhar hai Happy Women's Day! 🎁 Celebrate Her Spirit: A Curated Gift Guide A woman's role in our lives is multifaceted—she is the strength ( Shakti ), the inspiration ( Prerna ), and the very foundation ( Aadhar ) of our world. This Women’s Day, if my words touched your heart, perhaps you’d like to honor the special women in your life with a token of appreciation that reflects their unique "dhang." I have handpi...

Kisine bahut khoob likha.... Salaakhon me itna waqt guzaara hai Ki ab jab rihaan ho chuke hai toh fir gunaah karne ka mann karta hai, Fir humne socha... Raahon mei unki inta waqt guzaara hai, ki ab unhi raahon par guzar jaane ka mann karta hai par yeh dil kamzoor hai, nadaan hai isliye...bas mohabbat mei unki jee jaane ko mann karta hai Logon ne fir hamare baare mei yeh socha ...aur likha... Pee hai sharab har gali har dukan se, Ek dosti si ho gai hai sharab ke jaam se, Guzre hain hum ishq mein kuchh aise mukam se, Ke nafrat si ho gai hai mohabbat ke naam se. Humne fir yeh jawab diya... Sharab...Is nashe mei kahaa itna nasha hai... Sabse nashili toh bas unki woh adaa hai... yaaron bas pyaar mei dub jao... pyaar ka nasha hi...sabse bada hai

Tuta tha jab dil wo jee bhar ke roya tha… Aasuonke baarish me usne apne gamoko boya tha… Usse nikal aaye alphaj aur log kehne lage use shayar… Par tha to wo aashik jisne sab kuch khoya tha... Written by Shubhada Methar-Rajam

Har saal ek nayi kitaab hoti hai zindagi, Kuch kore, kuch adhure, kuch bhare hue paano ka hisaab...hoti hai zindagi. Kuch roothe hue rishte, Kuch pyaar ki kishte, Kayi dil ke saude jo hue mehenge, kuch jaane anjaane mei bole hue bol woh 'saste'. Kuch tohfe nayaab, Kuch bikhare hue khwaab, Kayi saare uljhe hue sawaal, kuch thode se suljhe jawaab. Yeh waqt itna jo hua naseeb, Kuch lamhe the jo dil ke kareeb, Kayi baar toh dil hua aamir, kuch thode se pal jab dil tha gareeb. Darj hai is kitaab mei yeh sab, Padhlo mann chahe jab. Is saal un kore aur adhure paano ko bharna hai, Thaan lo ki jo dil chahe woh karna hai, Na koi bandhan, na ho bandagi, Kyuki har saal ek nayi kitaab hoti hai zindagi.