Shayar By Chance

Kabhi socho toh aisa lagta hai, jaise yeh bada hona bas ek dhokha hai... Yaadon se dil bhar aata hai, jab aankhon se guzarta bachpan ka jharokha hai... Woh shaaratein, woh dosti, Woh nadaaniyan, woh masti Woh kudnaa, woh khelna, Woh ladnaa jhagadna, Woh school ki kitaabein, Saare bachpan ki yaadein. Khair bada hona toh majboori hai, Par yeh baat bhi zaroori hai, Umar chahe jo bhi, apne bachpan ko na bhulna, Bade zaroor hona par apne dil mei chupe hue us bacche ko mat bhulna!

Aankhon mein tere armaan mei dhundta hu, bas tu soche, aur poore mei karu... nazaron se teri khwabon ko yunhi padhta hu, manzilen tu dekhe, aur unka raasta mei banu...

Tu hoor hai, tu noor hai, Tujh mei koi baat jaroor hai, Isliye dil mera yu majboor hai. Tu fiza hai, tu ada hai, Auron se tu bilkul judaa hai. Mere liye toh tu hi khuda hai. Tu pyaas hai, tu ehsaas hai, Tere liye hi meri har yeh saas hai. Tu din hai, tu raat hai, Tu dhoop, tu hi barsaat hai, Kaise batau tujhe kya ye mere jazbaat hai. Tu khoobsurat sa ek khayal hai, Tu ek uljha sa sawaal hai, Fir sochu toh tu koi pyaara sa khwab hai, Aur mere sawaalon ka jawab hai..

Kab tak yunhi unka intezaar ho, kab tak yunhi dur se deedar ho... Badi muskil se yeh dil sambhalta hai, Har pal yeh machalta hai, Pal pal yeh kehta hai... Bas kabhi unse yeh ikraar ho, chahat ka izhaar ho, Aur unki bhi humse yehi takraar ho, Bas tumhi hamara pyaar ho, Bas tumhi hamara pyaar ho...

Yaad hai mujhe mera bachpan, Tere saaye mei sukun ka jeevan. Jab mei ghabrayaa, teri anchal ki thi chaaya, Jab jab mei roya, tune hi samjhaya, Jab tak mei ghar na aau, tu meri raah takti thi, Jab tak mei na kha lu, tu bhookhi rehti thi, Jab bimaar hota tha, raat bhar jagti thi, Meri choti si kamyaabi, tere liye jaise maine duniya jeeti thi, Har choti si bhul par tu mujhe daantati, Aaj pata chala ki tu daantati nahi, sanskaaron mei dhaalti thi. Aaj mei apne pairon pe khada hu, niche zameen tumne di hai, mujhe mei hosla aur himmat tumne di hai. Maa, tumhi ho woh sukoon mamta ki moorat, jaise bhagwaan ki ho soorat.

Hume jo pasand na aaye, aisi na koi ada na unka koi andaaz tha, Hum unhe kitna chahate hai, na ye bhi koi raaz tha, Koshish toh bahut ki humne, unhe paane ki, Par manzil tak pahuchte bhi kaise, jab hamara Khuda hi humse naraaz tha.

Guzar gaya yeh saal khayalon mei, Zindagi ke uljhe sawaalon mei, Kissi ki sikayaton mei, Apni hi uljhanon mei.... Khona tha jo kho diya, Rona tha jitna tune ro liya... Kal ek naya waqt aayega, Josh aur umang saath layega, Umeedon se bhari nayi raah hogi, Us raah par chalne ki chaah hogi, Har us sawaal ka jawaab hoga, Sach hota har woh khwaab hoga... Kal ek naya saal hoga, Aur doston woh saal bhi kamaal hoga...bemisaal hoga.. Happy New Year to Everyone.... WebRep currentVote noRating noWeight