Shayar By Chance

Yaad hai mujhe mera bachpan, Tere saaye mei sukun ka jeevan. Jab mei ghabrayaa, teri anchal ki thi chaaya, Jab jab mei roya, tune hi samjhaya, Jab tak mei ghar na aau, tu meri raah takti thi, Jab tak mei na kha lu, tu bhookhi rehti thi, Jab bimaar hota tha, raat bhar jagti thi, Meri choti si kamyaabi, tere liye jaise maine duniya jeeti thi, Har choti si bhul par tu mujhe daantati, Aaj pata chala ki tu daantati nahi, sanskaaron mei dhaalti thi. Aaj mei apne pairon pe khada hu, niche zameen tumne di hai, mujhe mei hosla aur himmat tumne di hai. Maa, tumhi ho woh sukoon mamta ki moorat, jaise bhagwaan ki ho soorat.

Hume jo pasand na aaye, aisi na koi ada na unka koi andaaz tha, Hum unhe kitna chahate hai, na ye bhi koi raaz tha, Koshish toh bahut ki humne, unhe paane ki, Par manzil tak pahuchte bhi kaise, jab hamara Khuda hi humse naraaz tha.

Guzar gaya yeh saal khayalon mei, Zindagi ke uljhe sawaalon mei, Kissi ki sikayaton mei, Apni hi uljhanon mei.... Khona tha jo kho diya, Rona tha jitna tune ro liya... Kal ek naya waqt aayega, Josh aur umang saath layega, Umeedon se bhari nayi raah hogi, Us raah par chalne ki chaah hogi, Har us sawaal ka jawaab hoga, Sach hota har woh khwaab hoga... Kal ek naya saal hoga, Aur doston woh saal bhi kamaal hoga...bemisaal hoga.. Happy New Year to Everyone.... WebRep currentVote noRating noWeight

Diyon ki jhilmil roshni, mithaiyan aur mithi chaasni, Rangoli ke woh satrangi rang, Pathakon ka masti bhara hurdang, Dilon mei uth rahe harsh aur umang, Doston aur ristedaron ke sang, Manao yeh DIWALI ka tyohaar, Jaise Zindagi ho koi UPHAAR.

Mushqurahat hamari doston se hai, Har khushi hamari doston se hai, Duaon ki humein kya hai jaroorat, Jab yeh Zindagi hamari doston se hai...

Tu hi mera chand hai, tu hi meri zidd hai, Tera deedar karke jo din mubarak ho, wohi meri Eid hai....

Saadiyon se chali aa rahi ek cheez pyaari Doston Kehte hum isse apni yaari Doston Socho tho lage Jaise yeh Madira ka ek pyala hai, Isko peene ka Mazaa hi itna niraala hai, Jitni purani hoti hai yeh sharab, utni chadti hai Jitna badhao isse, utni badhti hai, Sochta hu mei,Yeh nahi sirf ek pyala, yeh toh hai poori madhushala. Isliye yeh cheez hai Bahut Nyaari  Doston , Kehte hum isse Apni yaari  Doston Fir Socho toh lage Jaise yeh ek Khuli kitaab hai, Chape isme sabke har raaz, har khwab hai, Kitni kahaaniyan, kitne kiisse,  Apni Apni zindagi ke Woh saare hisse, Har Woh tajurba tumhe kuch sikhata hai, Jeevan mei aage badhane ki raah dikhata hai, sochta hu mei, yeh Nahi sirf ek kitaab, Yeh toh hai zindagi ka poora hisaab. Is hisaab ko sambhaalna hai Apni zimmedari  Doston , Kehte hai jisse hum Apni yaari doston, Saadiyon se chali aa rahi yeh cheez pyaari  Doston ...