Shayar By Chance

Guzar gaya yeh saal khayalon mei, Zindagi ke uljhe sawaalon mei, Kissi ki sikayaton mei, Apni hi uljhanon mei.... Khona tha jo kho diya, Rona tha jitna tune ro liya... Kal ek naya waqt aayega, Josh aur umang saath layega, Umeedon se bhari nayi raah hogi, Us raah par chalne ki chaah hogi, Har us sawaal ka jawaab hoga, Sach hota har woh khwaab hoga... Kal ek naya saal hoga, Aur doston woh saal bhi kamaal hoga...bemisaal hoga.. Happy New Year to Everyone.... WebRep currentVote noRating noWeight

Diyon ki jhilmil roshni, mithaiyan aur mithi chaasni, Rangoli ke woh satrangi rang, Pathakon ka masti bhara hurdang, Dilon mei uth rahe harsh aur umang, Doston aur ristedaron ke sang, Manao yeh DIWALI ka tyohaar, Jaise Zindagi ho koi UPHAAR.

Mushqurahat hamari doston se hai, Har khushi hamari doston se hai, Duaon ki humein kya hai jaroorat, Jab yeh Zindagi hamari doston se hai...

Tu hi mera chand hai, tu hi meri zidd hai, Tera deedar karke jo din mubarak ho, wohi meri Eid hai....

Saadiyon se chali aa rahi ek cheez pyaari Doston Kehte hum isse apni yaari Doston Socho tho lage Jaise yeh Madira ka ek pyala hai, Isko peene ka Mazaa hi itna niraala hai, Jitni purani hoti hai yeh sharab, utni chadti hai Jitna badhao isse, utni badhti hai, Sochta hu mei,Yeh nahi sirf ek pyala, yeh toh hai poori madhushala. Isliye yeh cheez hai Bahut Nyaari  Doston , Kehte hum isse Apni yaari  Doston Fir Socho toh lage Jaise yeh ek Khuli kitaab hai, Chape isme sabke har raaz, har khwab hai, Kitni kahaaniyan, kitne kiisse,  Apni Apni zindagi ke Woh saare hisse, Har Woh tajurba tumhe kuch sikhata hai, Jeevan mei aage badhane ki raah dikhata hai, sochta hu mei, yeh Nahi sirf ek kitaab, Yeh toh hai zindagi ka poora hisaab. Is hisaab ko sambhaalna hai Apni zimmedari  Doston , Kehte hai jisse hum Apni yaari doston, Saadiyon se chali aa rahi yeh cheez pyaari  Doston ...

Raaste soone hai, manzilein kitni dur hai, Yeh sochne par, hum yu kitne majboor hai In soone raaston par ae MUSAFIR tum yunhi chalte chalo, jo mile usse bas apna humsafar banate chalo, Pyaar se muskurate chalo, Khushi har jagah bas felate chalo, Fir manzilein woh saari majboor ho jayengi, woh kahaa fir dur reh payengi, Aur tumhare is safar ki kahaaniyan mashoor ho jayengi

Dil hamara khambakht hai, karta bas sikayat hai, kehta hai kaisa yeh waqt hai, wo unka dil inta kyu sakht hai karta nahi hamse baat, samjhta nahi jazbaat, sochta hu yehi har raat, jaane kaise hai yeh haalat par fir khayal aata hai, woh bhi toh ek dil hai, pyaar bina uska jeena bhi toh muskil hai, kya hua jo woh pyaar hamara nahi, Akhir uski khushi hi toh apni manzil hai.